(تابع) خطاب الرئيس جمال عبدالناصر، بمناسبة الذكرى التاسعة لقيام الوحدة بين مصر وسوريا

          وبعدين يطلعوا يقول لك الإسلام والمسلمين.. أما نشوف موضوع بورقيبة "وبودقن" والملك حسين مع بعض الثلاثة نقول إنه مين صديق الثلاثة.. مين صديق شّاه إيران ومين صديق سلاطين محميات الجنوب وإمارات الجنوب.. الناس اللي رضيوا بالخضوع والاستسلام..

          صديقهم الاستعمار.. إنجلترا.. وأمريكا.. الاستعمار هو الموجه وهو المخطط. إذن لا يمكن أن نفصل الرجعية العربية بأي حال من الأحوال عن الاستعمار عن إنجلترا عن أمريكا.. الموجه أمريكا وإنجلترا تجيب أمريكا والثلاثة خدام لأمريكا وخدام لإنجلترا.. ملك الأردن.. ملك السعودية والخواجة بورقيبة.. الثلاثة ماشيين لتحقيق أهداف الاستعمار.

          وبعدين برضه بورقيبة لبسته موجة إسلام وبدأ يتكلم عن الدين وعن الإسلام باين إن اللي بيخطط واحد اللي بيرتب واحد والخبر اللي تذيعه إذاعة السعودية بعد يومين يذيعه بورقيبة والتعليق اللي تذيعه إذاعة السعودية بعد يوم يذيعه بورقيبة، بعدين بيذيعه الملك حسين.

          وبان أن المخابرات الأمريكية بتشتغل معاهم هم الثلاثة وبتنسق بينهم هم الثلاثة تروح المخابرات الأمريكية تصطاد اثنين طيارين مطرودين من القوات المصرية من سلاح الطيران اصطادتهم في ألمانيا. مش معقول الملك فيصل يصطادهم ما يعرفش. الأمريكان هم اللي شطار في الحكاية دي الولاد مشيم وبعد ما خرجوا من القوات المسلحة، الأولاني كان عايز يتجوز بألمانية والثاني كان عاوز يتجوز بألمانية، مشيم وصمموا بعد ما رفضنا السماح لهم صمموا على الجواز فخرجوا من القوات المسلحة وإحنا قلنا إن العملية بهذا الشكل مفيهاش أمن للقوات المسلحة يخرجوا، وخرجوا وخدوا معاشات وواحد منهم طلب إنه يروح ألمانيا ودناه ألمانيا، والتاني طلب إنه يروح ليبيا علشان يزور أخوه، راح ليبيا ومن ليبيا طلعوا على ألمانيا وبعدين في ألمانيا اتلمت عليهم المخابرات الأمريكاني وبعدين طلبوا اللجوء السياسي من حكومة ألمانيا، على طول الحكومة الألمانية وافقت تديهم لجوء سياسي وبعدين خدوهم الأمريكان وودوهم السعودية علشان يقولوا دول طيارين خرجوا من اليمن بطياراتهم ويعملوا زي الطيارين الوطنيين اللي جم هنا بعد ثورة اليمن وأعلنوا في الإذاعة إن فيه طيارين بطيارتين هربوا من اليمن ولجأوا إلى السعودية، وطوالي الإذاعة الأمريكية والتليفزيون الأمريكي والصحافة الأمريكية ووكالات الأنباء الأمريكية نشرت هذا الكلام، أنا سمعت الكلام ده شلت التليفون وسألت عبد الحكيم قلت له سمعت على الخبر اللي بيقول إن فيه طيارين لجأوا للسعودية، قال لي مش ممكن قلت له طيب اتأكد أحسن محدش عارف، قال لي مش ممكن يعني قال أي واحد بحس فيه أنه ممكن يكون عنده أي سبب للانحراف مبنمهلوش ولا يمكن بقول لك قبل ماشوف، قلت له لا شوف. وبعد شوية قال لي ما فيش. تاني يوم سمعت أسامي الاثنين الطيارين اللي قالوا انهم لجأوا، طلبته وقلت له إن فيه اثنين طيارين لجأوا للسعودية قال لي مش ممكن قلت له برضه شوف بقى راديو عمان أذاع قطع أذاعته وأذاع أن فيه طيارين لجأوا للسعودية وجيين يعملوا مؤتمر صحفي. شاف الأسامي وبعدين قال لي دول حكايتهم كذا وكذا وكذا. وبعدين إحنا دورنا لقينا إن العملية كلها مخابرات أمريكية مخابرات أمريكانية الولدين طلبوا

<10>