(تابع) خطاب الرئيس جمال عبدالناصر، بمناسبة الذكرى التاسعة لقيام الوحدة بين مصر وسوريا

يقولوا أخبار كل يوم فإحنا نكذب ده وما نكذبش ده ونكذب ده يقدروا يعرفوا عننا معلومات إنه بصبر يوم يقول جت لنا أسلحة بيصبح يوم يقول أن لو قلنا لا ما عندناش أسلحة نبقى ادينا له معلومات، فإحنا بنقول سياسة ما بنردش على الكلام ده واللي يقول يقول يتفلقم وما بيهمناش.

          ويقولوا إيه إن الروس قاعدين على قنال السويس بيقبضوا فلوس القنال وفاء للديون المصرية. أهو يمكن الناس تسمع الكلام ده وتصدقه. يعني أقول ها نحب الروس يقعدوا ماحدش عندنا بيقعد على قنال السويس إلا أنور السادات بيروح يصيف في بور سعيد هو اللي بيقعد على رأس قنال السويس مفيش لا روسي ولا حا ييجي يقعد على قنال السويس ياخد فلوس ولا أمريكاني حا ييجي يقعد في بور سعيد بياخد فلوس. ما عندناش الكلام ده.. الكلام ده خلص من سنة 52.

          يقولوا زي ما يقولوا ويحكوا حكايات إحنا ما كذبناش برضه هذا الكلام. يقولوا إن الاقتصاد المصري، أنا با أقرأ مجلات إنجلترا وأسمع إذاعات الاقتصاد المصري منهار ومش لاقيين ياكلو وجعانين ومش فاهم إيه ونسمع إذاعة الأردن يقولوا يا جعانين يا اللي مش لاقيين تاكلوا يا اللي مش فاهم إيه وتسمع إذاعة السعودية ويقولوا إن المصريين الاشتراكية جوعتهم وعرتهم والاشتراكية عملت وسوت، وطبعاً طول الليل والنهار الملك فيصل عمال بيسب ويشتم في الاشتراكية والاشتراكية دي كفر والحاد والاشتراكية هي الجوع والمصريين الجربانين زادوا والجعانين زادوا. المصريين زادوا زدنا عشرة مليون لكن العريانين ما زادوش والجعانين ما زادوش لأن إحنا أما كنا 800 مليون جنيه دخل قومي دلوقت عندنا 2000 مليون جنيه دخل قومي.

          ميزانيتنا كانت أول الثورة 200 مليون جنيه وميزانيتنا في السنة اللي فاتت 1100 مليون جنيه، وعندنا سيطرة الشعب على وسائل الإنتاج- ما عندناش سلب الأموال ولا نهب الأموال ولا استغلال الإنسان للإنسان بنقضي على ده كله- بيقولوا الكلام ده وإحنا بنقول كان زمان الإنجليز أما تطلع مقالة في التايمز ذكرت: يعلن رئيس الوزراء في مصر ويقعد طول النهار مرعوب وخايف من السفير البريطاني.. وأما السفير البريطاني يلغي معاده مع رئيس الوزارة- يعني رئيس الوزارة- ده الكلام ده حصل في 1952 قبل الثورة- رئيس الوزارة يجري يقدم استقالته لأن رضا الإنجليز عليه مش كامل- إحنا النهاردة ما عندناش سفير بريطاني ومريحين نفسنا- فيه إيه- ده الكلام ده بيطلعوا يقولوا إن الاقتصاد وكذا وكذا- أنا فاكر طبعاً كل الكلام ده- أه إحنا تعبانين فعلاً اقتصادياً- ليه تعبانين؟- بيقول لكم إن الأمريكان- إحنا كنا ماشيين وجم الأمريكان السنة اللي فاتت وقطعم عننا الـ60 مليون جنيه- بقى علينا لازم نوفر الـ 60 مليون جنيه- يا نبيع دهب وإحنا مش عايزين نبيع الدهب- ياندبق من هنا ومن هنا، فمابعناش دهب بعنا السنة دي شوية علشان نفك بعض الأزمات- ولكن قدرنا ندبق نفسنا ونجيب قمح، والسنة اللي جاية إن شاء الله يكون ما عندناش متاعب- لكن مش معنى ده إن إحنا عندنا انهيار اقتصادي- ابتدوا يضغطوا علينا- وفاكرين إن هما أما يضغطوا علينا انهم بهذا بيضربونا بيضربوا استقلالنا السياسي. وأنا قلت لهم حاجة بسيطة اللي يضغط

<18>